 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Хвалі жытнія аж да сяла.
Шырыня, як акінуць вокам.
Урадлівая наша зямля,
нашых песень і дум вытокі.
Кліч адвечны сваёй зямлі –
боль шчымлівы, сьляза на вейках.
Як жа моцна сэрца баліць,
калі грозіць ёй небясьпека.
Сваё вогнішча і бары,
хаты ў полі, да іх дарогі,
дзе зубры ад нас, як сябры,
патрабуюць падчас дапамогі.
Цягне з даляў чужых дамоў.
Успаміны мацьней ад лекаў.
Ля маўклівых стаю курганоў.
Усюды добра, ля іх найлепей.
Можна вочы свае адвучыць
ад сучаснага і былога.
Толькі сэрцу нельга схлусіць –
яно знойдзе дамоў дарогу.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
